ਆਦਿਤੀਆ ਰਾਏ ਕਪੂਰ ਅਤੇ ਦੀਸ਼ਾ ਪਟਾਨੀ ਦੀ ਜੋੜੀ ਜਲਦੀ ਹੀ ਨਵੀਂ ਫ਼ਿਲਮ ‘ਚ ਨਜ਼ਰ ਆ ਸਕਦੀ

ਮੁੰਬਈ:

ਹਾਲ ਹੀ ‘ਚ ਸੁਣਨ ਨੂੰ ਆਇਆ ਸੀ ਕਿ ਆਦਿਤੀਆ ਰਾਏ ਕਪੂਰ ਅਤੇ ਦੀਸ਼ਾ ਪਟਾਨੀ ਦੀ ਜੋੜੀ ਜਲਦੀ ਹੀ ਡਾਇਰੈਕਟਰ ਮੋਹਿਤ ਸੂਰੀ ਦੀ ਨਵੀਂ ਫ਼ਿਲਮ ‘ਚ ਨਜ਼ਰ ਆ ਸਕਦੀ ਹੈ। ਅਜੇ ਤਕ ਇਸ ਫ਼ਿਲਮ ਦਾ ਐਲਾਨ ਨਹੀਂ ਹੋਇਆ, ਪਰ ਫੈਨਸ ਦੋਵਾਂ ਸਟਾਰਸ ਨੂੰ ਪਰਦੇ ‘ਤੇ ਦੇਖਣ ਨੂੰ ਬੇਤਾਬ ਹਨ। ਇਹ ਫ਼ਿਲਮ ਇੱਕ ਰੋਮਾਂਟਿਕ ਥ੍ਰਿਲਰ ਜੌਨਰ ਦੀ ਫ਼ਿਲਮ ਹੋਵੇਗੀ ਅਤੇ ਫ਼ਿਲਮ ਦੀ ਕਹਾਣੀ ਕਾਫੀ ਦਿਲਚਸਪ ਹੋਣ ਵਾਲੀ ਹੈ। ਫ਼ਿਲਮ ਤੋਂ ਜੁੜੇ ਇੱਕ ਸੂਤਰ ਦਾ ਕਹਿਣਾ ਹੈ ਕਿ ਇਸ ਫ਼ਿਲਮ ‘ਚ ਆਦਤਿੀਆ ਅਤੇ ਦੀਸ਼ਾ ਲਵਰਸ ਦਾ ਰੋਲ ਪਲੇਅ ਕਰਨਗੇ। ਫ਼ਿਲਮ ਦੀ ਕਹਾਣੀ ਚਾਰ ਲੋਕਾਂ ਦੇ ਆਲੇ ਦੁਆਲੇ ਘੁੰਮਦੀ ਨਜ਼ਰ ਆਵੇਗੀ। ਡਾਇਰੈਕਟਰ ਮੋਹਿਤ ਨੇ ਫ਼ਿਲਮ ਦੀ ਕਹਾਣੀ ਗੋਆ ਦੀ ਪਲਾਨ ਕੀਤੀ ਹੈ ਜਿਸ ਦੀ ਸ਼ੂਟਿੰਗ ਲਈ ਗੋਆ ‘ਚ ਵੱਡਾ ਸੈੱਟ ਲਗਾਇਆ ਜਾਵੇਗਾ। ਨਾਲ ਹੀ ਫ਼ਿਲਮ ਦੀ ਕਹਾਣੀ ‘ਚ ਡਰਗਸ ਮਾਫੀਆ ਦੇ ਵੀ ਕਿੱਸੇ ਦੇਖਣ ਨੂੰ ਮਿਲਣਗੇ। ਜੇਕਰ ਦੋਵਾਂ ਸਟਾਰਸ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਦੀਸ਼ਾ, ਸਲਮਾਨ ਦੀ ‘ਭਾਰਤ’ ਤੋਂ ਬਾਅਦ ‘ਕਿਕ-2’ ਅਤੇ ‘ਬਾਗੀ-3’ ‘ਚ ਵੀ ਨਜ਼ਰ ਆ ਸਕਦੀ ਹੈ ਅਤੇ ਆਦਿਤੀਆ, ਕਰਨ ਜੌਹਰ ਦੀ ਮਲਟੀਸਟਾਰਰ ‘ਕਲੰਕ’ ‘ਚ ਅਹਿਮ ਰੋਲ ‘ਚ ਨਜ਼ਰ ਆਉਣਗੇ।