ਨਵੀਂ ਦਿੱਲੀ:
ਕੇਂਦਰੀ ਵਿੱਤ ਮੰਤਰੀ ਦੇ ਮੁੱਖ ਆਰਥਿਕ ਸਲਾਹਕਾਰ ਕ੍ਰਿਸ਼ਨਮੂਰਤੀ ਸੁਬ੍ਰਾਮਣੀਅਨ (ਸੀਈਏ) ਨੇ ਸ਼ੁੱਕਰਵਾਰ ਨੂੰ ਸਾਲ 2025 ਤਕ ਦੇਸ਼ ਨੂੰ ਪੰਜ ਟ੍ਰਿਲੀਅਨ ਅਮਕੀਰੀ ਡਾਲਰ ਵਾਲੀ ਵੱਡੀ ਅਰਥਵਿਵਸਥਾ ‘ਚ ਬਦਲਣ ਦਾ ਭਰੋਸਾ ਜਤਾਇਆ ਹੈ। ਉਨ੍ਹਾਂ ਨੇ ਕਿਹਾ, “ਇਹ ਉੱਚ ਟੀਚਾ ਨਿਸ਼ਚਤ ਤੌਰ ‘ਤੇ ਹਾਸਲ ਕਰਨ ਯੋਗ ਹੈ।” ਉਨ੍ਹਾਂ ਦਾ ਇਹ ਬਿਆਨ ਲਗਾਤਾਰ ਘਟਦੇ ਵਾਧੇ ਦੇ ਅੰਕੜਿਆਂ ਅਤੇ ਗਲੋਬਲ ਅਰਥਵਿਵਸਥਾ ‘ਤੇ ਆਈ ਮੁਸੀਬਤ ਦੌਰਾਨ ਆਇਆ ਹੈ। ਇਨ੍ਹਾਂ ਮੁਸ਼ਕਲਾਂ ‘ਚ ਚੇਤਾਵਨੀ ਦਿੱਤੀ ਗਈ ਹੈ ਕਿ ਸਾਲ 2008 ‘ਚ ਅਮਰੀਕਾ ‘ਚ ਸਬ-ਪ੍ਰਾਈਮ ਸੰਕਟ ਕਰਕੇ ਆਈ ਮੰਦੀ ਦੀ ਤੁਲਨਾ ‘ਚ ਦੁਨੀਆ ਹੋਰ ਮੰਦੀ ਦਾ ਸ਼ਿਕਾਰ ਹੋ ਸਕਦੀ ਹੈ। ਇਹ ਬਿਆਨ ਅਜਿਹੇ ਸਮੇਂ ‘ਚ ਵੀ ਆਇਆ ਹੈ ਜਦਕਿ ਕਾਰਪੇਟ ਵਿਕਰੀ ਅਤੇ ਲਾਭ ਘੱਟ ਹੋ ਰਹੇ ਹਨ ਅਤੇ ਇਨ੍ਹਾਂ ਦਾ ਅਸਰ ਬੈਂਕਿੰਗ ਖੇਤਰ ‘ਚ ਛਾਏ ਸੰਕਟ ‘ਚ ਵੀ ਨਜ਼ਰ ਆ ਰਿਹਾ ਹੈ। ਸੀਈਏ ਨੇ ਕਿਹਾ, “2025 ਲਈ ਪੰਜ ਟ੍ਰਿਲੀਅਨ ਅਮਰੀਕੀ ਡਾਲਰ ਦਾ ਟੀਚਾ ਪੂਰਾ ਕੀਤਾ ਜਾਣ ਯੋਗ ਹੈ।”