ਨਵੀਂ ਦਿੱਲੀ— ਟੀਮ ਇੰਡੀਆ ਖਿਲਾਫ ਜਿੱਤ ਨਾਲ ਸੀਰੀਜ਼ ਦੀ ਸ਼ੁਰੂਆਤ ਕਰਨ ਵਾਲੀ ਆਸਟ੍ਰੇਲੀਆ ਟੀਮ ਨੇ ਪਹਿਲੇ ਦੋ ਟੈਸਟ ਮੈਚਾਂ ਲਈ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਟੀਮ ਇੰਡੀਆ ਅਤੇ ਆਸਟ੍ਰੇਲੀਆ ਵਿਚਕਾਰ ਤਿੰਨ ਟੀ-20 ਮੈਚਾਂ ਦੀ ਸੀਰੀਜ਼ ਤੋਂ ਬਾਅਦ 4 ਮੈਚਾਂ ਦੀ ਟੈਸਟ ਸੀਰੀਜ਼ ਵੀ ਹੁੰਦੀ ਹੈ। ਜਿਸਦੇ ਲਈ ਆਸਟ੍ਰੇਲੀਆ ਨੇ 14 ਮੈਂਬਰੀ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਟੀਮ 'ਚ ਵਿਕਟੋਰੀਆ ਦੇ ਓਪਨਿੰਗ ਬੱਲੇਬਾਜ਼ ਮਾਰਕਸ ਹੈਰਿਸ ਨੂੰ ਮੌਕਾ ਦਿੱਤਾ ਗਿਆ ਹੈ। ਕੰਗਾਰੂ ਟੀਮ ਨੇ ਮੈਥਿਊ ਰੇਨਾਸ਼ਾ ਨੂੰ ਬਾਹਰ ਕਰ ਦਿੱਤਾ ਹੈ। ਉਥੇ ਆਸਟ੍ਰੇਲੀਆ ਲਈ 4 ਵਨ ਡੇ ਮੈਚ ਖੇਡਣ ਵਾਲੇ ਤੇਜ਼ ਗੇਂਦਬਾਜ਼ ਕ੍ਰਿਸ ਟ੍ਰੇਮੇਨ 1 ਵੀ ਪਹਿਲੀ ਵਾਰ ਟੈਸਟ ਟੀਮ 'ਚ ਮੌਕਾ ਦਿੱਤਾ ਗਿਆ ਹੈ। ਮਿਡਿਲ ਆਰਡਰ ਬੱਲੇਬਾਜ਼ ਪੀਟਰ ਹੈਂਡ੍ਰਸਕਾਮਬ ਦੀ ਵੀ ਆਸਟ੍ਰੇਲੀਆਈ ਟੀਮ 'ਚ ਵਾਪਸੀ ਹੋਈ ਹੈ। ਉਨ੍ਹਾਂ ਨੇ ਟੀਮ ਇੰਡੀਆ ਖਿਲਾਫ ਖੇਡਣ ਦਾ ਅਨੁਭਵ ਹੈ। ਹੈਂਡ੍ਰਸਕਾਮਬ ਪਿਛਲੇ ਸਾਲ ਭਾਰਤ ਦੌਰੇ 'ਤੇ ਵੀ ਆਏ ਸਨ।
ਤੁਹਾਨੂੰ ਦੱਸ ਦਈਏ ਕਿ ਆਸਟ੍ਰੇਲੀਆ ਦੇ ਮਾਰਕਸ ਹੈਰਿਸ ਨੂੰ ਮੇਟ ਰੇਨਸ਼ਾ ਨੂੰ ਪਹਿਲ ਦੇਣ ਦੀ ਬਹੁਤ ਖਾਸ ਵਜ੍ਹਾ ਹੈ। ਦਰਅਸਲ ਵਿਕਟੋਰੀਆ ਦਾ ਇਹ ਬੱਲੇਬਾਜ਼ ਇਨ੍ਹਾਂ ਦਿਨਾਂ 'ਚ ਗਜਬ ਦੀ ਫਾਰਮ 'ਚ ਹੈ। ਹੈਰਿਸ ਨੇ ਪਿਛਲੇ ਸ਼ੇਫੀਲਡ 'ਚ 42 ਤੋਂ ਜ਼ਿਆਦਾ ਦੀ ਔਸਤ ਨਾਲ 1514 ਦੌੜਾਂ ਬਣਾਈਆਂ ਸਨ। ਨਾਲ ਹੀ ਮੌਜੂਦਾ ਸੀਜ਼ਨ 'ਚ ਵੀ ਉਹ 87.40 ਦੀ ਔਸਤ ਨਾਲ 437 ਦੌੜਾਂ ਬਣਾ ਚੁੱਕੇ ਹਨ, ਹੈਰਿਸ ਨੇ ਸਿਰਫ 18 ਸਾਲ ਦੀ ਉਮਰ 'ਚ ਫਰਸਟ ਕਲਾਸ ਮੈਚ 'ਚ 150 ਦੌੜਾਂ ਦੀ ਪਾਰੀ ਖੇਡੀ ਸੀ। ਉਨ੍ਹਾਂ ਦੇ ਨਾਂ ਆਸਟ੍ਰੇਲੀਆ ਫਰਸ ਕਲਾਸ ਕ੍ਰਿਕਟ 'ਚ ਸਭ ਤੋਂ ਘੱਟ ਉਮਰ 'ਚ 150 ਤੋਂ ਜ਼ਿਆਦਾ ਦੌੜਾਂ ਦੀ ਪਾਰੀ ਖੇਡਣ ਦਾ ਰਿਕਾਰਡ ਹੈ।