ਸੈਫ ਅਲੀ ਖ਼ਾਨ ਦੇ ਦੋਵੇਂ ਬੱਚਿਆਂ ਸਾਰਾ ਅਲੀ ਖ਼ਾਨ ਤੇ ਇਬ੍ਰਾਹਿਮ ਅਲੀ ਖ਼ਾਨ ਪਹਿਲੀ ਵਾਰ ਮੈਗਜ਼ੀਨ ਦੇ ਕਵਰ ਪੇਜ਼ ‘ਤੇ ਨਜ਼ਰ ਆਉਣਗੇ। ਦੋਵਾਂ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਈਰਲ ਹੋ ਰਹੀਆਂ ਹਨ। ਇਨ੍ਹਾਂ ‘ਚ ਸਾਰਾ ਤੇ ਇਬ੍ਰਾਹਿਮ ਕਮਾਲ ਲੱਗ ਰਹੇ ਹਨ।
ਇਸ ਤੋਂ ਪਹਿਲਾਂ ਸਾਰਾ ਨੂੰ ਅਜਿਹੇ ਬੋਲਡ ਅੰਦਾਜ਼ ‘ਚ ਕਦੇ ਨਹੀਂ ਵੇਖਿਆ ਗਿਆ। ਉਧਰ ਦੂਜੇ ਪਾਸੇ ਇਬ੍ਰਾਹਿਮ ਅਲੀ ਵੀ ਸ਼ਾਹੀ ਅੰਦਾਜ਼ ‘ਚ ਨਜ਼ਰ ਆ ਰਹੇ ਹਨ।
ਇਹ ਤਸਵੀਰਾਂ ਹੈਲੋ ਮੈਗਜ਼ੀਨ ਦੇ ਅਕਤੂਬਰ ਐਡੀਸ਼ਨ ਦੇ ਕਵਰ ਪੇਜ਼ ‘ਤੇ ਨਜ਼ਰ ਆਉਣ ਵਾਲੀਆਂ ਹਨ। ਸਾਰਾ-ਇਬ੍ਰਾਹਿਮ ਅਲੀ ਖ਼ਾਨ ਨੇ ਇਸ ਫੋਟੋਸ਼ੂਟ ਲਈ ਡਿਜ਼ਾਇਨਰ ਅਬੂ ਜਾਨੀ-ਸੰਦੀਪ ਖੋਸਲਾ ਦੇ ਆਊਟਫਿਟਸ ਪਾਏ ਹਨ।
ਸਾਰਾ ਇਸ ਫੋਟੋਸ਼ੂਟ ‘ਚ ਬਲੈਕ ਸਾੜੀ ‘ਚ ਕਮਾਲ ਲੱਗ ਰਹੀ ਹੈ। ਇਸ ਦੇ ਨਾਲ ਉਸ ਨੇ ਬੋਲਡ ਆਈ ਮੈਕਅੱਪ, ਨਿਊਡ ਲਿਪਸਟਿਕ ਨਾਲ ਵਾਲਾਂ ਦਾ ਮੇਸੀ ਬੰਨ੍ਹ ਬਣਾਇਆ।