ਅੰਮ੍ਰਿਤਸਰ
ਪੁਲਸ ਵੱਲੋਂ ਸੁਲਤਾਨ ਵਿੰਡ ਰੋਡ 'ਤੇ ਸੁਖ ਦਾ ਤਲਾਬ ਮੰਦਿਰ ਨੇੜੇ ਪੈਂਦੀ ਇਕ ਪਾਰਕ 'ਚੋਂ ਚਾਦਰ ਵਿੱਚ ਲਿਪਟੀ ਲਾਸ਼ ਬਰਾਮਦ ਕੀਤੀ ਗਈ। ਪੁਲਸ ਵੱਲੋਂ ਜਾਂਚ ਕਰਨ 'ਤੇ ਪਤਾ ਲੱਗਾ ਹੈ ਕਿ ਲਾਸ਼ ਪ੍ਰਸਿੱਧ ਗੈਂਗਸਟਰ ਸੰਨੀ ਹੈੱਡ ਦੀ ਹੈ। ਪੁਲਸ ਮੁਤਾਬਕ ਉਸ ਦੀ ਮੌਤ ਨਸ਼ੇ ਦੀ ਓਵਰਡੋਜ਼ ਨਾਲ ਹੋਈ ਦੱਸੀ ਜਾ ਰਹੀ ਹੈ।
ਜਾਣਕਾਰੀ ਮੁਤਾਬਕ ਗੈਂਗਸਟਰ ਸੰਨੀ 'ਤੇ ਸ਼ਹਿਰ ਦੇ ਵੱਖ-ਵੱਖ ਥਾਣਿਆਂ 'ਚ ਹੱਤਿਆ, ਡਕੈਤੀ, ਨਸ਼ਾ ਤਸਕਰੀ ਦੇ ਕਈ ਮਾਮਲੇ ਦਰਜ ਹਨ। ਪ੍ਰਤਾਪ ਨਗਰ 'ਚ ਰਹਿਣ ਵਾਲਾ 35 ਸਾਲਾ ਗੈਂਗਸਟਰ ਕੁਝ ਸਮੇਂ ਪਹਿਲਾਂ ਹੀ ਅੰਮ੍ਰਿਤਸਰ ਛੱਡ ਕੇ ਲੁਧਿਆਣਾ 'ਚ ਚਲਾ ਗਿਆ ਸੀ। ਲੁਧਿਆਣਾ ਤੋਂ ਫਿਰ ਵਾਪਸ ਆ ਕੇ ਮਕਬੂਲ ਅਤੇ ਕਿਰਾਏ ਦੇ ਮਕਾਨ 'ਤੇ ਰਹਿ ਰਿਹਾ ਸੀ। ਪੁਲਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਕਿ ਇਸ ਦੀ ਮੌਤ ਕਿਵੇਂ ਅਤੇ ਕਿੱਥੇ ਹੋਈ।