ਅੰਮ੍ਰਿਤਸਰ
ਅੰਤਰਰਾਸ਼ਟਰੀ ਸਰਹੱਦ 'ਤੇ ਪੈਂਦੀ ਬੀ. ਪੀ. ਓ. ਰੀਅਰ ਕੱਕੜ ਵਿਖੇ ਬੀਤੀ ਸ਼ਾਮ ਐੱਨ. ਸੀ. ਬੀ. ਦੀ ਸੂਚਨਾ 'ਤੇ ਬੀ. ਐੱਸ. ਐੱਫ. ਦੀ 17 ਬਟਾਲੀਅਨ ਵੱਲੋਂ ਸਾਂਝਾ ਸਰਚ ਆਪ੍ਰੇਸ਼ਨ ਕੀਤਾ ਗਿਆ। ਇਸ ਦੌਰਾਨ ਕੰਡਿਆਲੀ ਤਾਰ ਤੋਂ ਪਾਰ ਭਾਰਤੀ ਜ਼ਮੀਨ 'ਚੋਂ ਤਲਾਸ਼ੀ ਦੌਰਾਨ ਟਰੈਕਟਰ ਦੇ ਮਗਰ ਲਾਉਣ ਵਾਲੀਆਂ 2 ਫੱਟੀਆਂ ਮਿਲੀਆਂ ਜੋ ਕਿ ਚਾਰੇ ਪਾਸਿਓਂ ਬੰਦ ਸਨ, ਜਿਨ•ਾਂ ਨੂੰ ਕੱਕੜ ਚੌਕੀ ਵਿਖੇ ਲਿਆ ਕੇ ਖੋਲ•ਣ 'ਤੇ ਉਨ•ਾਂ 'ਚੋਂ 2.410 ਕਿਲੋ ਹੈਰੋਇਨ ਬਰਾਮਦ ਹੋਈ, ਜਿਸ ਦੀ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਕੀਮਤ 12 ਕਰੋੜ ਦੱਸੀ ਜਾ ਰਹੀ ਹੈ। ਇਸ ਸਬੰਧੀ ਬੀ. ਐੱਸ. ਐੱਫ. ਦੀ 17 ਬਟਾਲੀਅਨ ਦੇ ਕਮਾਂਡੈਂਟ ਆਰ. ਸੀ. ਸ਼ਰਮਾ ਨੇ ਦੱਸਿਆ ਕਿ ਸਮੱਗਲਰਾਂ ਨੇ ਹੈਰੋਇਨ ਦੀ ਇਹ ਖੇਪ ਕਿਸੇ ਤਰੀਕੇ ਭਾਰਤ ਪਹੁੰਚਾਉਣ ਦੀ ਕੋਸ਼ਿਸ਼ ਕਰਨੀ ਸੀ ਪਰ ਹਮੇਸ਼ਾ ਦੀ ਤਰ•ਾਂ ਇਸ ਵਾਰ ਵੀ ਬੀ. ਐੱਸ. ਐੱਫ. ਦੇ ਜਵਾਨਾਂ ਨੇ ਸਮੱਗਲਰਾਂ ਦੇ ਨਾਪਾਕ ਇਰਾਦਿਆਂ 'ਤੇ ਪਾਣੀ ਫੇਰ ਦਿੱਤਾ। ਜ਼ਿਕਰਯੋਗ ਹੈ ਕਿ ਬੀਤੀ 30 ਜੂਨ ਨੂੰ ਬੀ. ਐੱਸ. ਐੱਫ. ਦੇ ਜਵਾਨਾਂ ਨੇ ਇਸੇ ਇਲਾਕੇ 'ਚੋਂ ਇਸੇ ਤਰ•ਾਂ ਦੀਆਂ ਹੀ 3 ਫੱਟੀਆਂ 'ਚੋਂ ਵੱਡੀ ਮਾਤਰਾ 'ਚ ਹੈਰੋਇਨ ਬਰਾਮਦ ਕੀਤੀ ਸੀ।