ਪਠਾਨਕੋਟ
ਥਾਣਾ ਸਦਰ ਪਠਾਨਕੋਟ ਦੀ ਪੁਲੀਸ ਨੇ ਨਾਕੇ ਦੋਰਾਨ ਇਕ ਦੋ ਜੀਪਾਂ ਵਿੱਚ 7 ਬਲਦ ਤੇ 2 ਗਾਂÎਵਾਂ ਨੂੰ ਛੁਡਵਾਉਣ ਵਿੱਚ ਸਫਲਤਾ ਪ੍ਰਾਪਤ ਕੀਤੀ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਥਾਣੇ ਦੇ ਏਐਸਆਈ ਰਾਮ ਭਜਨ ਨੇ ਦੱਸਿਆ ਕਿ ਪੁਲੀਸ ਵੱਲੋਂ ਪਿੰਡ ਜਕਰੌਰ ਵਿਖੇ ਨਾਕਾ ਲਗਾਇਆ ਗਿਆ ਸੀ ਤੇ ਵਹੀਕਲਾਂ ਦੀ ਚੈਕਿੰਗ ਕੀਤੀ ਜਾ ਰਹੀ ਸੀ। ਇਸ ਦੌਰਾਨ ਦੋ ਬਲੈਰੋ ਜੀਪਾ ਜੋ ਕਿ ਨਾਕੇ ਵੱਲ ਨੂੰ ਆ ਰਹੀਆਂ ਸਨ ਨਾਕੇ ਤੋਂ 100 ਮੀਟਰ ਪਿੱਛੇ ਹੀ ਰੁੱਕ ਗਈਆ ਤੇ ਜੀਪਾਂ ਦੇ ਡਰਾਈਵਰ ਮੌਕੇ ਤੋਂ ਭੱਜ ਗਏ। ਜਦੋਂ ਪੁਲੀਸ ਕਰਮਚਾਰੀਆਂ ਨੇ ਜੀਪਾਂ ਦੀ ਤਲਾਸ਼ੀ ਲਈ ਤਾਂ ਦੋਨਾ ਗੱਡੀਆ ਵਿੱਚ 7 ਬਲਦ ਤੇ 2 ਗਾਵਾਂ ਜਿਹਨਾ ਦੀਆ ਲੱਤਾਂ ਤੇ ਮੂੰਹ ਰੱਸਿਆ ਨਾਲ ਬੂਰੀ ਤਰਾਂ ਬੰਨ ਕੇ ਜਕੜ ਕੇ ਠੁਸਿਆ ਗਿਆ ਸੀ। ਪੁਲੀਸ ਕਰਮਚਾਰੀਆ ਨੇ ਤੁਰੰਤ ਪਸ਼ੂਆਂ ਨੂੰ ਆਜਾਦ ਕਰਵਾਇਆ। ਏਐਸਆਈ ਨੇ ਅੱਗੇ ਦੱਸਿਆ ਕਿ ਜੀਪਾਂ ਦੇ ਡਰਾਈਵਰਾਂ ਖਿਲਾਫ ਧਾਰਾ 429 ਅਤੇ 3,11 ਪਸ਼ੂ ਕਰੂਰਤਾ ਐਕਟ ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।
ਸਬੰਧਤ ਖਬਰਾਂ
