ਨਵੀਂ ਦਿੱਲੀ—
ਨਾਨਾ ਪਾਟੇਕਰ ਅਤੇ ਤਨੁਸ਼ਰੀ ਦੇ ਵਿਵਾਦ ਨਾਲ ਸ਼ੁਰੂ ਹੋਇਆ ਮੀ ਟੂ ਮੁਹਿੰਮ ਦੇ ਚੱਲਦੇ ਹੁਣ ਤੱਕ ਕਈ ਦਿੱਗਜ਼ਾਂ ਦੇ ਨਾਂ ਚਰਚਾ 'ਚ ਆ ਚੁੱਕੇ ਹਨ। ਨਾਨਾ ਪਾਟੇਕਰ, ਆਲੋਕ ਨਾਥ, ਕੇਂਦਰੀ ਵਿਦੇਸ਼ ਰਾਜ ਮੰਤਰੀ ਐਮ.ਜੇ.ਅਕਬਰ 'ਤੇ ਯੌਨ ਸ਼ੋਸ਼ਣ ਦੇ ਦੋਸ਼ ਲੱਗੇ ਹਨ। ਮਨੋਰੰਜਨ ਅਤੇ ਮੀਡੀਆ ਨਾਲ ਜੁੜੀਆਂ ਕਈ ਔਰਤਾਂ ਭਾਰਤ 'ਚ ਮੀ ਟੂ ਕੈਂਪੇਨ ਸ਼ੁਰੂ ਹੋਣ ਦੇ ਬਾਅਦ ਸਾਹਮਣੇ ਆਈਆਂ ਹਨ ਅਤੇ ਆਪਣੀ ਨਾਲ ਹੋਈ ਆਪਬੀਤੀ ਨੂੰ ਸਾਂਝਾ ਕੀਤਾ। ਉਥੇ ਮੀ ਟੂ ਕੈਂਪੇਨ 'ਤੇ ਰਾਧੇ ਮਾਂ ਨੇ ਵੀ ਆਪਣੇ ਵਿਚਾਰ ਰੱਖੇ।
ਇਕ ਪ੍ਰੋਗਰਾਮ ਦੌਰਾਨ ਉਥੇ ਮੌਜੂਦ ਪੱਤਰਕਾਰਾਂ ਨੇ ਰਾਧੇ ਮਾਂ ਨੂੰ ਪੁੱਛਿਆ ਕਿ ਨਾਨਾ ਅਤੇ ਆਲੋਕਨਾਥ ਵਰਗੀਆਂ ਕਈ ਵੱਡੀਆਂ ਸ਼ਖਸ਼ੀਅਤਾਂ 'ਤੇ ਯੌਨ ਸ਼ੋਸ਼ਣ ਦੇ ਦੋਸ਼ ਲੱਗੇ ਹਨ, ਇਸ 'ਤੇ ਤੁਸੀਂ ਕੀ ਕਹੋਗੇ। ਇਸ 'ਤੇ ਰਾਧੇ ਮਾਂ ਨੇ ਕਿਹਾ ਕਿ ਮੇਰੀ ਔਰਤਾਂ ਨੂੰ ਇਹ ਸਲਾਹ ਹੈ ਕਿ ਜਦੋਂ ਉਨ੍ਹਾਂ ਦੇ ਨਾਲ ਕੁਝ ਗਲਤ ਹੁੰਦਾ ਹੈ ਤਾਂ ਉਹ ਉਸ ਸਮੇਂ ਆਵਾਜ਼ ਚੁੱਕਣ। ਰਾਧੇ ਮਾਂ ਨੇ ਮੀ ਟੂ ਕੈਂਪੇਨ ਦਾ ਸਮਰਥਨ ਕੀਤਾ ਅਤੇ ਕਿਹਾ ਕਿ ਔਰਤਾਂ ਨੂੰ ਗਲਤ ਖਿਲਾਫ ਬੋਲਣ ਦਾ ਪੂਰਾ ਅਧਿਕਾਰ ਹੈ ਅਤੇ ਉਨ੍ਹਾਂ ਨੂੰ ਅਜਿਹਾ ਕਰਨਾ ਚਾਹੀਦਾ ਹੈ।
