ਜਲੰਧਰ— 10 ਅਕਤੂਬਰ ਨੂੰ ਸਿਟੀ ਇੰਸਟੀਚਿਊਟ 'ਚੋਂ ਅੱਤਵਾਦ ਦੇ ਰਾਹ 'ਤੇ ਤੁਰੇ ਤਿੰਨ ਵਿਦਿਆਰਥੀਆਂ ਨੂੰ ਹਥਿਆਰਾਂ ਸਮੇਤ ਕਾਬੂ ਕਰਨ ਤੋਂ ਬਾਅਦ ਪੁਲਸ ਚੌਕਸ ਹੋ ਗਈ ਹੈ। ਇਸ ਸਬੰਧ 'ਚ ਪੁਲਸ ਇੰਸਟੀਚਿਊਟਾਂ ਸਮੇਤ ਕਈ ਥਾਵਾਂ 'ਤੇ ਕਸ਼ਮੀਰੀ ਵਿਦਿਆਰਥੀਆਂ ਦਾ ਡਾਟਾ ਇਕੱਠਾ ਕਰ ਰਹੀ ਹੈ ਅਤੇ ਉਨ•ਾਂ ਨਾਲ ਵੀ ਸੰਪਰਕ ਕਰ ਰਹੀ ਹੈ, ਜਿਨ•ਾਂ ਦਾ ਸੰਬੰਧ ਇਨ•ਾਂ ਅੱਤਵਾਦੀਆਂ ਦੇ ਨਾਲ ਹੋ ਸਕਦਾ ਹੈ। ਕਸ਼ਮੀਰੀ ਵਿਦਿਆਰਥੀਆਂ ਦੇ ਨਾਲ ਕਾਲ ਗਰਲਸ ਦੇ ਲਿੰਕ ਵੀ ਸਾਹਮਣੇ ਆਏ ਹਨ। ਕਸ਼ਮੀਰੀ ਕੁਨੈਕਸ਼ਨ ਨੂੰ ਲੈ ਕੇ ਭਾਰਗਵ ਕੈਂਪ ਦੇ ਬੈਟ ਵਪਾਰੀ ਤੋਂ ਬਾਅਦ ਪੁਲਸ ਨੇ ਹੁਣ ਦੋ ਕਾਲ ਗਰਲਸ ਨੂੰ ਹਿਰਾਸਤ 'ਚ ਲਿਆ ਅਤੇ ਕਰੀਬ 5 ਘੰਟਿਆਂ ਤੱਕ ਉਨ•ਾਂ ਕੋਲੋਂ ਪੁੱਛਗਿੱਛ ਕੀਤੀ ਗਈ। ਮਕਸੂਦਾਂ ਦੇ ਇਕ ਮੁਹੱਲੇ 'ਚ ਪੁਲਸ ਨੇ ਸ਼ੁੱਕਰਵਾਰ ਰੇਡ ਕਰਕੇ ਦੋ ਕਾਲ ਗਰਲਸ ਨੂੰ ਫੜਿਆ ਅਤੇ ਉਨ•ਾਂ ਨੂੰ ਪੁੱਛਿਆ ਕਿ ਜੇ. ਐਂਡ. ਕੇ. ਤੋਂ ਵਾਰ-ਵਾਰ ਫੋਨ ਕਿਉਂ ਆਉਂਦੇ ਹਨ। ਇਸ ਦੇ ਜਵਾਬ 'ਚ ਉਨ•ਾਂ ਨੇ ਕਿਹਾ ਕਿ ਉਨ•ਾਂ ਦਾ ਕੰਮ ਹੀ ਅਜਿਹਾ ਹੈ ਪਤਾ ਨਹੀਂ ਕਿ ਕਿਹੜਾ ਕਸਟਮਰ ਕਿਸ ਨੰਬਰ ਤੋਂ ਫੋਨ ਕਰ ਦੇਵੇ। ਦੋਹਾਂ ਦੇ ਸਮਾਰਟ ਫੋਨ ਖੰਗਾਲੇ ਜਾ ਰਹੇ ਹਨ ਅਤੇ ਦੋਵੇਂ ਟੈਲੀਗ੍ਰਾਮ ਮੈਸੇਂਜਰ ਦੀ ਵੀ ਵਰਤੋਂ ਕਰਦੀਆਂ ਹਨ। ਲੜਕੀਆਂ ਨੇ ਕਿਹਾ ਕਿ ਉਹ ਇੰਨੀਆਂ-ਪੜ•ੀਆਂ ਲਿਖੀਆਂ ਹਨ ਕਿ ਸਮਾਰਟਫੋਨ ਦੀ ਵਰਤੋਂ ਕਰਨਾ ਜਾਣਦੀਆਂ ਹਨ। ਵਾਰ-ਵਾਰ ਪੁਲਸ ਵੱਲੋਂ ਪੁੱਛਣ 'ਤੇ ਕਿ ਕੀ ਤੁਹਾਡੇ ਦੋਹਾਂ ਦੇ ਤਾਰ ਕਸ਼ਮੀਰੀ ਵਿਦਿਆਰਥੀਆਂ ਦੇ ਨਾਲ ਜੁੜੇ ਹਨ ਤਾਂ ਇਕ ਲੜਕੀ ਨੇ ਕਿਹਾ ਕਿ ਸਰ ਸ਼ਾਮ ਹੋਣ ਤੋਂ ਬਾਅਦ ਉਨ•ਾਂ ਦੇ ਮੋਬਾਇਲ ਉਹ ਆਪਣੇ ਕੋਲ ਰੱਖ ਲੈਣ ਅਤੇ ਕਿਹੜੇ ਕੰਮ ਲਈ ਫੋਨ ਆਉਂਦੇ ਹਨ, ਤੁਹਾਨੂੰ ਪਤਾ ਲੱਗ ਜਾਵੇਗਾ। ਪੁੱਛਗਿੱਛ ਕਰਨ ਤੋਂ ਬਾਅਦ ਦੇਰ ਸ਼ਾਮ ਪੁਲਸ ਨੇ ਉਨ•ਾਂ ਨੂੰ ਵਾਪਸ ਭੇਜ ਦਿੱਤਾ। ਜ਼ਿਕਰਯੋਗ ਹੈ ਕਿ ਅਲਕਾਇਦਾ ਦੇ ਕਸ਼ਮੀਰੀ ਅੱਤਵਾਦੀ ਸੰਗਠਨ ਅੰਸਾਰ ਗਜ਼ਵਤ ਉੱਲ ਹਿੰਦ ਨਾਲ ਜੁੜੇ ਵਿਦਿਆਰਥੀ ਜਾਹਿਦ ਗੁਲਜ਼ਾਰ, ਯੂਸੁਫ ਰਫੀਕ ਭੱਟ, ਮੁਹੰਮਦ ਈਦਰੀਸ਼ ਸ਼ਾਹ ਤੋਂ ਬੀਤੇ ਦਿਨ ਵੀ ਪੁੱਛਗਿੱਛ ਕੀਤੀ ਗਈ। ਉਨ•ਾਂ ਦਾ ਇਹੀ ਕਹਿਣਾ ਸੀ ਕਿ ਕਸ਼ਮੀਰ 'ਚ ਕਾਬੂ ਕੀਤਾ ਗਿਆ ਸੋਹੇਲ ਹੀ ਸਭ ਕੁਝ ਜਾਣਦਾ ਹੈ। ਦੱਸ ਦੇਈਏ ਕਿ ਪੁਲਸ ਇਸ ਮਾਮਲੇ 'ਚ 10 ਕਸ਼ਮੀਰੀ ਵਿਦਿਆਰਥੀਆਂ ਸਮੇਤ 5 ਲੋਕਾਂ ਤੋਂ ਪੁੱਛਗਿੱਛ ਕਰ ਚੁੱਕੀ ਹੈ ਅਤੇ 13 ਲੋਕ ਹੁਣ ਵੀ ਪੁਲਸ ਦੀ ਹਿਰਾਸਤ 'ਚ ਹਨ ਪਰ ਪੁਲਸ ਇਸ ਦੀ ਪੁਸ਼ਟੀ ਨਹੀਂ ਕਰ ਰਹੀ ਹੈ।