ਪਠਾਨਕੋਟ
ਕਠੂਆ ਜਬਰ ਜਨਾਹ ਤੇ ਹੱਤਿਆ ਮਾਮਲੇ 'ਚ ਪਹਿਲੇ ਕਥਿਤ ਦੋਸ਼ੀ ਦੀਪਕ ਖਜੂਰੀਆ 'ਤੇ ਅੱਜ ਤੀਸਰੇ ਦਿਨ ਵੀ ਬਿਆਨ ਦਰਜ ਕਰਨ ਦਾ ਸਿਲਸਿਲਾ ਅਦਾਲਤ ਅੰਦਰ ਜਾਰੀ ਰਿਹਾ | ਇਨ੍ਹਾਂ ਤਿੰਨਾਂ ਦਿਨਾਂ 'ਚ ਕੁੱਲ 3 ਗਵਾਹਾਂ ਦੀਆਂ ਗਵਾਹੀਆਂ ਹੀ ਦੀਪਰ ਖਜੂਰੀਆ ਨੂੰ ਸੁਣਵਾਈਆਂ ਜਾ ਚੁੱਕੀਆਂ ਹਨ | ਜਿਨ੍ਹਾਂ 'ਤੇ ਦੀਪਕ ਖਜੂਰੀਆ ਤੇ ਉਨ੍ਹਾਂ ਦੇ ਵਕੀਲਾਂ ਵਲੋਂ ਜਵਾਬ ਦਿੱਤੇ ਜਾ ਰਹੇ ਹਨ | ਯਾਦ ਰਹੇ ਕਿ ਅਜੇ ਵੀ 111 ਗਵਾਹਾਂ ਦੀਆਂ ਗਵਾਹੀਆਂ ਖਜੂਰੀਆ ਨੂੰ ਸੁਣਵਾਈਆਂ ਜਾਣੀਆਂ ਬਾਕੀ ਹਨ ਤੇ ਅਜੇ 6 ਹੋਰ ਕਥਿਤ ਦੋਸ਼ੀ ਬਾਕੀ ਹਨ | ਜਿਨ੍ਹਾਂ ਵਿਚੋਂ ਹਰੇਕ ਨੂੰ 114 ਗਵਾਹਾਂ ਦੀਆਂ ਗਵਾਹੀਆਂ ਸੁਣਵਾਈਆਂ ਜਾਣੀਆਂ ਹਨ ਤੇ ਹਰੇਕ ਕਥਿਤ ਦੋਸ਼ੀ ਦੇ ਬਿਆਨ ਦਰਜ ਕੀਤੇ ਜਾਣੇ ਹਨ | ਨਾਲ ਹੀ ਉਨ੍ਹਾਂ ਦੇ ਜਵਾਬ ਲੈਣੇ ਹਨ | ਅੱਜ ਵੀ ਸਾਰੇ ਕਥਿਤ ਦੋਸ਼ੀ ਅਦਾਲਤ 'ਚ ਹਾਜ਼ਰ ਹੋਏ ਜਿਨ੍ਹਾਂ ਨੂੰ ਭਾਰੀ ਸੁਰੱਖਿਆ ਹੇਠ ਅਦਾਲਤ ਤੋਂ ਗੁਰਦਾਸਪੁਰ ਜੇਲ੍ਹ 'ਚ ਲਿਜਾਇਆ ਗਿਆ |
