ਪਠਾਨਕੋਟ
ਵਿੱਦਿਆ ਐਜੂਕੇਸ਼ਨ ਸੁਸਾਇਟੀ ਵਲੋਂ ਪਠਾਨਕੋਟ ਦੇ ਰਮਾ ਚੋਪੜਾ ਕਾਲਜ ਵਿਖੇ ਕੈਂਪ ਲਗਾ ਕੇ ਕਾਲਜ ਵਿਦਿਆਰਥਣਾਂ ਦੇ ਲਰਨਿੰਗ ਲਾਇਸੈਂਸ ਬਣਾਉਣ ਲਈ ਫਾਰਮ ਭਰੇ ਗਏ | ਇਸ ਮੌਕੇ ਸੁਸਾਇਟੀ ਦੇ ਪ੍ਰਧਾਨ ਵਿਜੇ ਪਾਸੀ ਨੇ ਦੱਸਿਆ ਕਿ ਬੀਤੇ ਦਿਨੀਂ ਕਾਲਜ ਵਿਖੇ ਇਕ ਟਰੈਫ਼ਿਕ ਸੈਮੀਨਾਰ ਲਗਾਇਆ ਸੀ | ਜਿਸ ਵਿਚ ਦੇਖਣ ਨੰੂ ਮਿਲਿਆ ਕਿ ਕਾਲਜ ਵਿਦਿਆਰਥਣਾਂ ਦੇ ਡਰਾਈਵਿੰਗ ਲਾਇਸੈਂਸ ਨਹੀਂ ਹਨ | ਜਿਸ ਨੰੂ ਦੇਖਦੇ ਹੋਏ ਅੱਜ ਕਾਲਜ ਵਿਖੇ ਫਾਰਮ ਭਰੇ ਗਏ ਅਤੇ ਉਨ੍ਹਾਂ ਦਾ ਮੈਡੀਕਲ ਕਰਵਾਇਆ ਗਿਆ | ਇਸ ਤੋਂ ਇਲਾਵਾ ਡੀ.ਟੀ.ਓ.ਦਫ਼ਤਰ ਵਿਖੇ ਟੈੱਸਟ ਪਾਸ ਕਰ ਕੇ ਵਿਦਿਆਰਥਣਾਂ ਨੰੂ ਲਰਨਿੰਗ ਲਾਇਸੈਂਸ ਮੁਹੱਈਆ ਕਰਵਾਏ ਜਾਣਗੇ | ਉਨ੍ਹਾਂ ਨੇ ਬੱਚਿਆਂ ਦੇ ਮਾਪਿਆਂ ਨੰੂ ਅਪੀਲ ਕੀਤੀ ਕਿ ਉਹ ਆਪਣੇ ਬੱਚਿਆਂ ਨੰੂ ਵਾਹਨ ਚਲਾਉਣ ਲਈ ਤਾਂ ਹੀ ਦੇਣ ਜੇਕਰ ਉਨ੍ਹਾਂ ਦਾ ਡਰਾਈਵਿੰਗ ਲਾਇਸੈਂਸ ਬਣਿਆ ਹੈ | ਇਸ ਮੌਕੇ ਕਾਲਜ ਪਿ੍ੰਸੀਪਲ ਡਾ: ਸਤਿੰਦਰ ਕੌਰ ਕਾਹਲੋਂ, ਮੈਡੀਕਲ ਅਫ਼ਸਰ ਡਾ: ਐਸ.ਐੱਲ. ਅੱਤਰੀ, ਅਵਤਾਰ ਅਬਰੋਲ ਤੋਂ ਇਲਾਵਾ ਹੋਰ ਸੁਸਾਇਟੀ ਮੈਂਬਰ ਹਾਜ਼ਰ ਸਨ |
